Lutlot

Ang Lutlot ay isang pagkaing niluluto ng Tribung Pala’wan para sa kanilang festival. Ito ginaganap sa tuwing kataposan ng ani ng kanilang kaingin upang simbolo ng pasasalamat sa Poong Lumikha o tinatawag nilang Ampo. Maaari ring ginaganap ang lutlot sa ibang kasayahan, ritwal at iba pang kasahan ng kanilang tribu upang ito’y ihain at pagsalu-salohan. Sa tuwing may mga pasasalamat at mga ritwal, ito ay sinasabayan din ng pagluluto ng pinyaram.

Niluluto ang lutlot sa mga sumusunod na pamamaraan:

1. Ibabad sa tubig ang malagkit na bigas sa loob ng 5-7 oras (halimbawa isang baldeng malagkit) 
2. Manguha ng mga murang bongbong (boho) at putol putolin at tanggalin ang gilik nito or kuskusin ng bunot ng niyog. (Ang boho ay magsisilbing lalagyan ng bigas na malagkit) 
3. Magkudkod ng niyog na ayon sa dami ng iyong lulutoing malagkit ( 10-15 pirasong nyog para sa isang baldeng malagkit).
4. Pigain ang nyog at kunin ang katas nito at ilagay sa balde o palanggana.
5. Ilagay ang binabad na malagkit sa boho, mga 3-5 pulgada bago mapuno sa bunganga ng boho.
6. Lagyan o sabawan ng gatang niyog ang nilagay na malagkit sa boho at 2-3 pulgada ang subra ng gata sa malagkit (ingatang ‘wag matumba ang boho nang di mabuhos ).
7. Maggatong o magpaapoy sa lupa hanggang bumaga ito (parang lutoan ng paglilitson) at lagyan ng tusok o poste ang magkabilang dulo ng pinaapoyan.
8. Ikalat ang baga tulad ng pagluluto ng litson.
9. Lagayan ng balagbang na buhay na kahoy upang maging sandalan ng bohong nilagyan ng malagkit. 
10.  Isandal ng nakasalansan ang mga bohong nilagyan ng malagkit (sa ilalim ay baga ng apoy).
11. Banatayan ng maigi ang nililuto at ‘wag hayaang masunog ang buho.
12. Kianakailangang baliktarin kung ito’y kulay brown na ang boho.
13. Kung kulay brown na ang lahat ng katawan ng boho, ibig sabihin ay luto na pero maaari mo ring tikman upang siguradong di hilaw.
14. Sa pag-aahin, maaaring putolin ang boho at maaari ring biyakin upang makuha ang nalutong malagkit sa loob ng boho.

Adyos Kabagay! Sana nasundan nyo ang paglulutong lutlot.